10:51:04 -2°C
  • USD - 482.28 ֏
  • EUR - 568.13 ֏
  • RUB - 6.53 ֏

    • Կառավարությունը քայլեր է ձեռնարկում, որ 2025-ին գյուղատնտեսական ապահովագրության ավելի մեծ ծավալ լինի, քան այս տարի էր. Պապոյան

    17:07 5 Նոյեմբեր 2024

    Կառավարությունը քայլեր է ձեռնարկում, որ 2025-ին գյուղատնտեսական ապահովագրության ավելի մեծ ծավալ լինի, քան այս տարի էր: 

    Այս մասին ասաց ՀՀ էկոնոմիկայի նախարար Գևորգ Պապոյանն ԱԺ մշտական հանձնաժողովների համատեղ նիստում 2025թ պետական բյուջեի մասին օրենքի նախագծի նախնական քննարկումներում:

    Նախարարն ասաց, որ Գերմանիայի զարգացման վարկերի բանկի (KFW) հետ համատեղ գյուղատնտեսության ոլորտում ապահովագրական համակարգի ներդրման փորձնական ծրագրի իրականացման համար «Պետական աջակցություն» միջոցառման շրջանակներում 15 հազար հա տարածքի համար նախատեսվում է 1.490 մլրդ դրամ ապահովագրավճարի մի մասի սուբսիդավորում:

    «Մենք այս տարի ունեցանք ապահովագրության հետ խնդիր: Հիմա KFW-ի հետ ակտիվ բանակցությունների մեջ ենք: Կարող եմ արձանագրել, որ ունենք հաջողություն: Իրենք պատրաստ են մեզ գումար հատկացնել, պետությունն էլ կհամաֆինանսավորի: Բանակցում ենք նաև վերաապահովագրողի հետ, որ, եթե ոչ այն ծավալով, ինչ ունեցել ենք 2023-ին, ապա 2025-ին ունենանք ապահովագրության շատ ավելի մեծ ծավալ, քան եղել է այս տարի»,-ասաց Պապոյանը:

    Նպատակ կա ծավալները 2026-ին ամբողջությամբ վերականգնել ու զարգացնել:

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    ՏԵՍՆԵԼ ԱՎԵԼԻՆ

    Փոխկապակցված նորություններ

    Քաղաքականություն

    ՏԵՍՆԵԼ ԱՎԵԼԻՆ

    Աշխարհ

    ՏԵՍՆԵԼ ԱՎԵԼԻՆ
    Կայքի քարտեզ
    SLAQ.am || 2009-2024 . Բոլոր իրավունքնրը պաշտպանված են։
    Նախագծող՝ Studio One