21:18:54 12°C
  • USD - 482.28 ֏
  • EUR - 568.13 ֏
  • RUB - 6.53 ֏

    • Վրաստանի վարչապետը USAID-ին մեղադրել է երկրում իրավիճակն ապակայունացնող ՀԿ-ներին ֆինանսավորելու մեջ

    20:14 6 Փետրվար 2025

    Վրաստանում գործող հասարակական կազմակերպությունները, որոնք շատ դեպքերում ֆինանսավորում են ստացել ԱՄՆ Միջազգային զարգացման գործակալությունից (USAID),   ներգրավված են եղել և մնում են երկրում իրավիճակն ապակայունացնելու փորձերում, ճեպազրույցի ժամանակ հայտաարարել է Վրաստանի վարչապետ Իրակլի Կոբախիձեն։

    «Ամենահարուստ հասարակական կազմակերպություններին  ուղղակիորեն օգտագործել են Վրաստանում հեղափոխության համար։ Դա շարունակվում է ցայսօր և ավելի վաղ սկսված գործընթացի շարունակությունն է հանդիսանում»,- ասել է Կոբախիձեն։

    Որպես օրինակ՝ Վրաստանի վարչապետը մատնանշել  է «Արդար ընտրությունների և ժողովրդավարության միջազգային միություն» վրացական ոչ կառավարական կազմակերպությանը, որը  նույնպես ֆինանսավորվել է USAID-ի կողմից։

    Կոբախիձեի խոսքով՝ 2020 թվականի խորհրդարանական ընտրությունների ժամանակ այս կազմակերպությունը կեղծել է քվեարկության արդյունքների զուգահեռ հաշվարկի տվյալները՝ հասաարակության շրջանում անկարգություններ հրահրելու նպատակով։

    «Հիմա էլ տեսնում եք՝ ինչպես են զարգանում իրադարձությունները․ արտասահմանից ֆինանսավորվող ՀԿ-ները հեղափոխության փորձերի առաջատարներն են, այդ ՀԿ-ները ֆինանսավորվում են USAID-ի, NED-ի («Ժողովրդավարության աջակցության ազգային հիմնադրամ») կողմից»,- ասել է Կոբախիձեն։

    Վրաստանի վարչապետը նշել է նաև, որ այսուհետև հասարակության համար պետք է պարզ ու թափանցիկ լինի՝ ինչի համար է ծառայելու դրսից երկիր մտնող յուրաքանչյուր ցենտը, որպեսզի այլևս ոչ ոք չփորձի մոլորության մեջ գցել վրաց ժողովրդին։

    ԿԱՅՔԻ ՀԻՆ ՏԱՐԲԵՐԱԿ

    Լրահոս

    ՏԵՍՆԵԼ ԱՎԵԼԻՆ

    Փոխկապակցված նորություններ

    Տնտեսություն

    ՏԵՍՆԵԼ ԱՎԵԼԻՆ

    Հասարակություն

    ՏԵՍՆԵԼ ԱՎԵԼԻՆ
    Կայքի քարտեզ
    SLAQ.am || 2009-2025 . Բոլոր իրավունքնրը պաշտպանված են։
    Նախագծող՝ Studio One